[prenta uppsett í dálka] 86. fundur, 125. lþ.
Sigríður A. Þórðardóttir (andsvar):
Herra forseti. Mér finnst það koma mjög skýrt fram í þessari umræðu að það eru skiptar skoðanir um það sem þingmaðurinn nefndi hér. Því var varpað fram í upphafi ræðu hennar áðan að Sjálfstfl. varpaði af sér ábyrgð yfir á samstarfsflokkinn í erfiðum málum. Við því var ég fyrst og fremst að bregðast. Ég ítreka mótmæli mín gegn því að sú sé raunin. Þvert á móti stendur Sjálfstfl. mjög sterkur og saman að baki stjórnarfrumvörpum.
