[prenta uppsett í dálka] 9. fundur, 125. lþ.
Lúðvík Bergvinsson (andsvar):
Viðrulegi forseti. Það kom nú kannski ekki mikið fram í máli hæstv. samgrh. sem snýr að mér að svara. Ég fagna því sérstaklega að verðskrá fyrir GSM-símtöl sé sérstaklega lág. En ég vek náttúrlega athygli á því að það hefur verið mikil barátta --- ég veit nú svo sem ekki hversu margir úrskurðir Samkeppnisstofnunar eru orðnir --- til þess að keyra í gegn alvöru samkeppni á þessum markaði sem síðan hefur leitt til lækkunar á gjaldskrá.
Ég fagna því sérstaklega, samgrh. fer nú varla með rangt mál í þeim efnum, að hér séu næstlægstu GSM-símgjöld í Evrópu (Samgrh.: Talsímagjöld.) Nú hann talaði ekki um GSM-gjöldin. Ég misskildi það.
Virðulegi forseti. Ég verð að segja að þau rök sem hæstv. samgrh. færði enn og aftur og hefur verið að reyna að gera hér í morgun, að eðlilegt sé að starfsmaður Alþingis eigi sæti í pólitískri ráðgjafarnefnd hjá samgrh., eru ekki sterk. Ég verð að ítreka að það vantar mikið á að sú röksemdafærsla sé trúverðug.
