Samgönguráðherra (Sturla Böðvarsson):
Herra forseti. Ég hef hlýtt á ábendingar hv. þm. og met þær. Ég tel sjálfsagt að á vegum samgrn. verði hugað að þessum málum. Ég veit það raunar að Vegagerðin hefur haft þessi mál mjög til skoðunar með tilliti til umferðaröryggis annars vegar og hins vegar slits á vegum. Bent hefur verið á þá kosti sem hér var vakin athygli á, þ.e. þá tækni sem Einar Einarsson hefur kynnt fyrir mörgum þingmönnum veit ég og hefur barist fyrir að koma í notkun og það er sjálfsagt að skoða þetta. En ég veit að Vegagerðin hefur þetta mjög ríkulega til athugunar og ég mun fylgjast með því.