[prenta uppsett í dálka] 20. fundur, 125. lþ.
Guðmundur Árni Stefánsson (andsvar):
Herra forseti. Ég er ekki í neinni deilu við hv. þm. Vilhjálm Vilhjálmsson en hér er grundvallarmisskilningur á ferðinni. Ég gat þess í ræðu minni og ég held að ég hafi farið alveg rétt með, að í ræðu sinni á fjármálaráðstefnu sveitarfélaga gerði hv. þm. Jón Kristjánsson glögga grein fyrir því að þessi fortíðarvandi og bráðavandi sveitarfélaga væri ekki á verksviði tekjustofnanefndarinnar. Hann sagði að tekjustofnanefndin hefði ekki það pólitíska vægi að geta leyst þau mál núna á næstu vikum eða mánuðum. Það er alveg skýrt. Hér er á ferðinni grundvallarmisskilningur sem mér finnst tímabært að verði leiðréttur.
