[prenta uppsett í dálka] 28. fundur, 125. lþ.
Jón Bjarnason:
Herra forseti. Það sem hér er til umræðu er í rauninni mál bæði nútímans og framtíðarinnar. Ég get upplýst að á fundi fjárln. í morgun voru fulltrúar umhvrn. spurðir um hvort þeir ætluðu að fylgja eftir fjármagni til þess arna. Þeir treystu sér ekki til þess að svara því en vísuðu á ráðherrann. Ég fagna þeirri yfirlýsingu sem hæstv. umhvrh. gaf, að hann mundi beita sér af alefli fyrir því að þetta hlyti áframhaldandi fjárstuðning.
Ég vil samt líka láta í ljós ugg og óánægju með það að stefnt er að því að draga úr framlögum til fráveitumála hjá sveitarfélögunum. Það er ekki í takt við þessa sýn. Ég hvet hæstv. umhvrh. til þess að beita sér einnig í því máli.
