[prenta uppsett í dálka] 32. fundur, 125. lþ.
Guðmundur Hallvarðsson:
Herra forseti. Ég verð að segja að mér kemur ákaflega á óvart og spánskt fyrir sjónir að þetta mál skuli vera lagt fyrir virðulegan hæstv. forseta þingsins þar sem í 19. gr. laga um þingsköp Alþingis segir svo, með leyfi forseta:
,,Fundir nefnda skulu lokaðir öðrum en nefndarmönnum og starfsmönnum þeirra nema nefnd ákveði annað.`` (Gripið fram í.)
Er þetta ekki mál nefndarinnar? Það er ekki forseta að fjalla um það. Það hlýtur að vera nefndarinnar sjálfrar að ákveða hvort fundir verði opnir eða ekki.
