[prenta uppsett í dálka] 38. fundur, 125. lþ.
Össur Skarphéðinsson:
Herra forseti. Við í Samfylkingunni teljum að ríkisstjórninni hafi orðið á margvísleg mistök við stjórn ríkisfjármála. Má segja að ríkisstjórnin sé ölvuð af góðærinu og þess sjást glögg merki á þeim tillögum sem hér liggja fyrir.
Hér er lagt til að 8.000 millj. verði aukið við ríkisútgjöldin á sama tíma og Þjóðhagsstofnun og Seðlabankinn hafa lagt til að dregið verði úr ríkisútgjöldum. Ríkisstjórnin verður sjálf að bera ábyrgð á því og þess vegna munum við sitja hjá við þessa atkvæðagreiðslu.
