[prenta uppsett í dálka] 43. fundur, 125. lþ.
Árni Steinar Jóhannsson:
Virðulegi forseti. Vinstri hreyfingin -- grænt framboð hefur lagt fram tillögur um styrkingu á almenningssamgöngukerfi í landinu. Við teljum mjög mikilvægt til þess að þjóna nútímasamfélagi að styrkja og bæta almenningssamgöngur. Sum svæði eru tilbúin að fara í ítarlegar, róttækar breytingar og þess vegna vona ég að hv. þm. geti séð sér fært að styðja þessa tillögu um að hefja framkvæmdir við slíkt upp á 50 millj. kr.
