[prenta uppsett í dálka] 47. fundur, 125. lþ.
Margrét Frímannsdóttir (andsvar):
Virðulegi forseti. Ég tek undir þá skoðun hæstv. fjmrh. að auðvitað ætti eitt yfir alla að ganga í þessum efnum. Það er mjög slæmt þegar gerðir eru samningar milli þjóða, eins og á vettvangi Norðurlandanna, sem ganga þvert á þau lög sem eru í gildi gagnvart sambærilegum verðlaunum eða viðurkenningum hér heima. Mér finnst hins vegar ástæða til að skoða hvort ekki sé möguleiki á því, þar sem þessi lög eru í gildi gagnvart innlendum verðlaunaafhendingum, að fá þetta endurskoðað á vettvangi Norðurlandanna og þá náttúrlega varðandi Nóbelsverðlaunin einnig.
