Kolbrún Halldórsdóttir (andsvar):
Herra forseti. Ég geri ekki lítið úr þeim árangri og ég er sammála því að það er árangur. Ég dreg ekki á það neina dul.
En ég þarf að geta treyst því, herra forseti, að orðalag 2. gr. um hjón og skilgreininguna á hjónum eigi við um það fólk sem býr í staðfestri samvist. Mér þætti vænt um ef við gætum fengið það staðfest hér frá hv. formanni allshn. eða einhverjum sem veit betur hvort það verði nokkur akkillesarhæll þessa máls í vor því við verðum að geta treyst því að fólk sem býr í staðfestri samvist verði skilgreint sem hjón.