[prenta uppsett í dálka] 49. fundur, 125. lþ.
Ögmundur Jónasson:
Herra forseti. Það er óeðlilegt að skerða framlag til brunavarna um 13 millj. kr. a.m.k., eins og hér er lagt til, ekki síst í ljósi þess að ýmsar kerfisbreytingar sem ríkisstjórnin hefur staðið fyrir hafa veikt og grafið undan öryggi í eldvörnum. Þar vísa ég sérstaklega til þess að stórlega hefur verið dregið úr rafmagnseftirliti og er ástand á því sviði víða mjög bágborið. Meðal annars í ljósi þessa er fullkomið ábyrgðarleysi að veikja enn frekar brunavarnir í landinu eins og ríkisstjórnin leggur til með þessu frv.
