Heilbrigðisráðherra (Ingibjörg Pálmadóttir) (andsvar):
Virðulegi forseti. Fyrst um það hvernig reykingabann almennt hefur komið út. Víðast hvar hefur það komið vel út. Fólk hefur verið afskaplega ánægt þegar reynsla hefur verið komin á það.
En varðandi dvalarheimili og hjúkrunarheimili þá má fólk reykja í sínum vistarverum að sjálfsögðu en það er ekki gert ráð fyrir að starfsfólk reyki. Það kemur mér á óvart ef starfsfólk er á rúntinum vinnutímanum til að reykja. Það er alveg nýtt fyrir mér. En almennt er það þannig að á vinnustöðum má ekki reykja (Gripið fram í.) og fólk er yfirleitt bara mjög ánægt með það.
Varðandi EES-reglugerðina, sælgæti og sígarettulíkin, þá bönnum við það. Öll leikföng og sælgæti sem minnir á tóbak er bannað.
Það er mjög mikilvægt að fólk almennt viti að auðvitað er dvalarheimili heimili einstaklinga og þeir haga sér á sínum heimilum alveg eins og þeim sýnist.