Ásta Möller (andsvar):
Virðulegi forseti. Stjórnarliðið er sammála því að tekjutengja bætur. Það kemur fram bæði tekjumegin og gjaldamegin hér í þjóðfélaginu. Hér er varin sú grundvallarhugsun að tekjutengja. Það á að færa fé, að svo miklu leyti sem hægt er, frá þeim sem meira hafa á milli handanna til þeirra sem minna mega sín. Það er því alveg ljóst, eins og kom fram í ræðu hæstv. utanrrh. í dag, að ef sú leið hefði verið farin, að miða við 51 þús. kr., þá hefði það verið viðurkenning á fullum rétti annarra til að fá bætur án tekjutengingar. Það er bara ekki í samræmi við hugmyndir okkar.