[prenta uppsett í dálka] 86. fundur, 126. lþ.
Umhverfisráðherra (Siv Friðleifsdóttir):
Virðulegur forseti. Það var alls ekki meiningin með svarinu sem var sett fram skriflega á sínum tíma til Alþingis að koma neinu óorði á skógrækt, alls ekki. Að sjálfsögðu fögnum við sem störfum að umhverfismálum skógrækt vegna þeirrar landeyðingar sem við höfum horft upp á hin seinni ár. Það er alveg ljóst að sá fuglafræðingur sem gaf okkur upplýsingar í viðkomandi svar telur að við höfum ekki lent í neinu tjóni með rjúpuna vegna skógræktar hér á landi.
Ég vil undirstrika það sem kom fram í svari mínu áðan að þessi mál eru í eðlilegum farvegi. Menn skoða þau í gegnum skipulagsferlið og að sjálfsögðu munum við ganga varlega fram í þessum málum.
