Árni R. Árnason (andsvar):
Herra forseti. Ég held að það sé nauðsynlegt að við áttum okkur á þeirri staðreynd úr viðskiptalífinu að fyrirtæki sem starfa í samkeppni hafa strangara aðhald um verðlagningu og gæði en hin sem starfa við einokun, hver svo sem eigandinn reynist vera.
Hins vegar er rétt að benda á að ein meginforsenda þess að skapa samkeppni í raforkustarfsemi er sú að raforkan er í öðrum löndum þegar farin að keppa við aðrar orkutegundir, aðra orkumiðla og aðrar orkulindir. Það mun verða á Íslandi á næstu áratugum ef sá draumur rætist að við verðum vetnisþjóð.