Pétur H. Blöndal (andsvar):
Herra forseti. Við ræðum frv. til laga um móttöku flóttamannahópa og aðstoð við þá. Ég hef áður nefnt að ég hef ákveðnar efasemdir um móttöku Íslands á flóttamönnum.
Um heiminn eru milljónir, milljónatugir af fólki á flótta, margir af völdum stríða, aðrir af völdum hungurs og neyðar. Í eyðimörkum Súdans eigra börn í áratugi. Í borgum Suður-Ameríku eru flóttamenn í eigin landi, þar eru borgarbörnin flóttamenn í eigin landi. Ég fullyrði að 90% af þessu fólki er þeldökkt. Meginhluti er ólæs og ómenntaður með öllu.
Herra forseti. Mig langar til að spyrja hæstv. félmrh. hvernig á því standi að þeir flóttamenn sem koma til Íslands eru allir hvítir og allir læsir.