[prenta uppsett í dálka] 128. fundur, 126. lþ.
Guðjón A. Kristjánsson:
Herra forseti. Samkvæmt starfsáætlun átti störfum þingsins að ljúka í dag en enn fjölgar málum á dagskrá. Ég vil því spyrja hæstv. forseta þingsins hvort ráðgert sé að þingi ljúki á morgun eða hvort hann hafi hugmyndir um einhverja aðra dagsetningu og hvenær þá í næstu viku ef slíkt er í huga hans.
Síðan vil ég jafnframt spyrja hæstv. forseta hvort hann hyggist leita einhvers samkomulags um það hvenær störfum þingsins muni ljúka og hvaða framvinda verði á þingmálum.
Ég vil svo lýsa áhyggjum mínum af því að hér skuli ekki enn þá vera komið inn frv. um frestun á kvótasetningu á veiðar smábáta. Í raun og veru er afar nauðsynlegt að tekið verði á því, því að gangi lagasetningin eftir óbreytt mun það verða reiðarslag fyrir landsbyggðina.
