Arnbjörg Sveinsdóttir (andsvar):
Hæstv. forseti. Ég ætla nú ekki að elta ólar við þetta. En ég gat ekki skilið annað en að hv. þm. væri að hnýta eitthvað í fæðingarorlofið og fannst það ekki alveg nógu góð lexía. Hins vegar væri mjög fróðlegt að fá skýringar á því hvernig þessar bókhaldsreglur valda sveitarfélögunum útgjöldum. Ég næ ómögulega að skilja það og væri gaman að fá smá námskeið um það mál.