[prenta uppsett í dálka] 23. fundur, 126. lþ.
Fjármálaráðherra (Geir H. Haarde) (andsvar):
Herra forseti. Ég hef það ekki á takteinum hvert tekjutap ríkisins var af þeim atriðum sem þingmaðurinn nefndi, en það er augljóst mál að það var meira en sveitarfélaganna vegna þess að tekjur ríkissjóðs af tekjuskatti voru á þessum árum hærri en tekjur sveitarfélaganna af útsvarinu. Það hefur að vísu jafnast og ég hygg að við álagningu í ár hafi þetta verið orðið nokkuð jafnt vegna þess að smám saman hefur þarna orðið tilflutningur eins og við þekkjum.
