Arnbjörg Sveinsdóttir:
Hæstv. forseti. Verið er að greiða atkvæði um að þeir sem búa í dreifbýli í fámennum sveitarfélögum búi við sama rétt og þeir sem búa í þéttbýli. Jöfnunarsjóður sveitarfélaga styrkir vatnsveitur sveitarfélaga í sveitarfélögum með færri íbúum en 2.000. Hér er verið að gera ráð fyrir því að hægt sé að styrkja vatnsveitur á lögbýlum þar sem svo háttar til að hagkvæmara er að vatnsveitur verði lagðar fyrir hvert lögbýli fyrir sig.