Kolbrún Halldórsdóttir:
Herra forseti. Veruleg þörf er á því að auka fjármagn til rannsókna á vegum háskóla á Íslandi. Fjárveitingar í því skyni hafa ekki verið í samræmi við fjárveitingar til kennslu þrátt fyrir ítrekaðar tilraunir háskóla á Íslandi til að ná því marki að rannsóknastarfsemi fái jafnmikinn skerf og kennslan.
Fjárþörfin til að skapa viðunandi skilyrði fyrir núverandi rannsóknastarfsemi í Háskóla Íslands er í rauninni 750 millj. kr. Við leggjum til að framlag ríkisins þ.e. fyrir árið 2001 hækki um 150 millj. kr. Ég segi já.