[prenta uppsett í dálka] 45. fundur, 126. lþ.
Ögmundur Jónasson:
Herra forseti. Við þekkjum pólitísk áform og pólitískar forsendur ríkisstjórnarflokkanna varðandi einkavæðingu, áfergju Sjálfstfl. og fylgispekt Framsfl. En við þekkjum ekki efnahagslegar forsendur þeirrar ákvörðunar að koma á síðustu stundu, við 3. umr. fjárlaga og bæta heilum 8 milljörðum við tekjuliðinn í tengslum við sölu á eignum almennings. Það er slæmt að selja almannaeignir á borð við Landssímann en ég vil vekja ahtygli Alþingis á því að efnahagslegar forsendur skortir. Það hefur ekki verið gerð nægileg grein fyrir þeim. Þær eru óljósar og þær eru óútskýrðar.
