Jón Kristjánsson:
Herra forseti. Þau fjárlög sem hér eru til lokaafgreiðslu styrkja stöðu ríkissjóðs og auka möguleika í framtíðinni til að standa undir velferðarþjónustu í landinu. Afkoma ríkissjóðs er nú með því besta sem gerist í OECD-ríkjunum. Þetta eru mikil umskipti eftir samfelldan hallarekstur allt frá árunum 1993--1998 og þetta eru jákvæð skilaboð inn í efnahagslífið í landinu. Þess vegna greiði ég atkvæði með þessari lokaafgreiðslu.