Ferill 370. máls. Aðrar útgáfur af skjalinu: PDF - Word Perfect.
126. löggjafarþing 2000–2001.
Þskj. 723 — 370. mál.
Svar
dómsmálaráðherra við fyrirspurn Margrétar Frímannsdóttur stöðu lögreglumála í Árnessýslu.
1. Hversu margir lögreglumenn í Árnessýslu stóðu vaktir 1997, hversu margir þeirra höfðu lokið námi í Lögregluskólanum og hver er staðan núna?
Við áramót 1996–97 voru 26 stöðugildi við embættið á Selfossi, 20 lögreglumenn stóðu sólarhringsvaktir og þeir höfðu allir próf frá lögregluskólanum. Í desember 2000 eru 27 stöðugildi við embættið á Selfossi, 16 lögreglumenn standa sólarhringsvaktir og sex eru án prófs frá Lögregluskólanum.
2. Hver hefur verið fjölgun íbúa á sama svæði á þessum tíma, þ.e. árin 1997– 2000:
a. íbúa með fasta búsetu, heildarfjölgun og skipt niður á ár,
b. íbúa í sumarhúsabyggð, heildarfjölgun og skipt niður á ár?
Samkvæmt upplýsingum frá Hagstofunni hefur íbúafjöldi á þessu tímabili verið eftirfarandi, 1. desember hvert ár:
| 1997 | 1998 | 1999 | 2000 |
| 11.475 | 11.671 | 11.979 | 12.277 |
Engar tölur eru til um búsetu í sumarhúsum, en um áramót 1996–97 voru 3.943 sumarbústaðir í Árnessýslu. Í desember 2000 eru samkvæmt skrám fasteignamats 4.539 sumarbústaðir í umdæmi sýslumannsins á Selfossi. Þar að auki eru í sýslunni tvö stór hjólhýsastæði, á Laugarvatni og í Þjórsárdal.
3. Hver hefur verið fjölgun skráðra bifreiða í lögregluumdæminu 1997–2000, heildarfjölgun og skipt niður á ár?
Upplýsinga hefur verið leitað hjá Skráningarstofunni um fjölgun bifreiða í umdæminu. Á yfirliti þaðan má sjá fjölda bifreiða á þessu tímabili og dreifingu þeirra á sveitarfélög í umdæminu, sjá fylgiskjal I. Var heildarfjöldi bifreiða í umdæminu eftirfarandi, 1. desember hvert ár:
| 1997 | 1998 | 1999 | 2000 |
| 6.924 | 7.221 | 7.742 | 8.195 |
4. Hversu mörg afbrot voru framin í umdæminu 1997–2000, skipt eftir árum og brotaflokkum?
Ráðuneytið hefur leitað upplýsinga frá ríkislögreglustjóra um heildarmálafjölda í málaskrá lögreglunnar á tímabilinu og hvernig skiptingin er á milli ára og helstu brotaflokka. Á árunum 1997–2000 var heildarmálafjöldinn eins og hér sést:
| 1997 | 1998 | 1999 | 2000 |
| 3.674 | 3.290 | 4.152 | 3.746 |
Nánari upplýsingar og sundurliðum á fjölda brota í einstökum brotaflokkum má finna í töflu frá ríkislögreglustjóra um fjölda helstu brota í umdæmi sýslumannsins á Selfossi, sjá fylgiskjal II.
5. Hver hefur árleg fjölgun stöðugilda í lögreglunni verið á sama tíma?
Stöðugildum hjá sýslumanninum á Selfossi hefur fjölgað um einn á þessu tímbili en um síðustu áramót var bætt við stöðu fíkniefnalögreglumanns. Á sama tímabili hefur stöðugildum lögreglumanna á landinu öllu fjölgað úr 610 í 675 og skiptist það niður á ár með eftirfarandi hætti:
| 1997 | 1998 | 1999 | 2000 | 2001 |
| 610 | 622 | 637 | 666 | 675 |
Nánari upplýsingar um fjölgun stöðugilda innan lögreglunnar eru í fylgiskjali III.
Þess má geta að fjöldi lögreglumanna miðað við íbúafjölda í Árnessýslu er umdæminu fremur hagstæður samanborið við önnur umdæmi. Á hvern lögreglumann eru um 450 íbúar, en í flestum lögreglumdæmum landsins eru fleiri íbúar á hvern lögreglumann, eða rúmlega 800, t.d. í Kópavogi og Höfn í Hornafirði.
6. Hver hefur verið þróun fjárveitinga á þessum árum, skipt niður á ár?
Fjárveitingar til löggæslu hafa verið eins og sést í eftirfarandi töflu. Með öðrum fjárheimildum er átt við framlag af safnliðum ráðuneytisins, launabætur vegna kjarasamninga eftir samþykkt fjárlaga, fjáraukalög o.fl. Engin önnur framlög hafa enn komið til á þessu ári. Fjárhæðir eru í millj. kr.
| 1997 | 1998 | 1999 | 2000 | 2001 | |
| Fjárlög
|
96,8 | 94,8 | 103,4 | 113,3 | 123,6 |
|
Aðrar fjárheimildir
|
1,0 | 7,0 | 12,6 | 15,5 | |
|
Samtals
|
97,8 | 101,8 | 116,0 | 128,8 | 123,6 |
Fylgiskjal I.
Skráningarstofan hf.:
Heildarfjöldi bifreiða í umdæmi lögreglunnar á Selfossi.
Hér er efni sem sést aðeins í pdf-skjalinu.
Hér er efni sem sést aðeins í pdf-skjalinu.
Fylgiskjal II.
Ríkislögreglustjóri:
Helstu brot í umdæmi sýslumannsins á Selfossi.
Hér er efni sem sést aðeins í pdf-skjalinu.
Fylgiskjal III.
Fjöldi lögreglumanna, heimiluð stöðugildi.
Hér er efni sem sést aðeins í pdf-skjalinu.
