Guðjón A. Kristjánsson:
Herra forseti. Í fyrsta lagi vil ég koma því á framfæri við hæstv. ráðherra hvort honum finnist ekki að þrjú ár í kynningu séu farin að vinna á móti því markmiði sem þál. var um, að hér skyldi hefja hvalveiðar sem fyrst? Eru það fjögur ár sem samrýmast því markmiði eða fimm ár? Hvenær á að uppfylla þessa ályktun Alþingis?
Í öðru lagi: Ætlar ráðherrann að bíða eftir samþykki einhverra þjóða um að þær séu sammála því að við hefjum veiðar og þá hverra?