Guðmundur Hallvarðsson:
Herra forseti. Ég tek undir það að það er í hæsta máta óeðlilegt af hv. þingmönnum Vinstri grænna að koma með þetta mál inn á þingið vitandi að forseti þingsins hefur fjarvistarleyfi. Ég er alveg sannfærður um að hefði þingmaður komið upp í ræðustól til að gera athugasemdir við störf einstakra þingmanna Vinstri grænna að þeim fjarstöddum þá hefðu þeir eitthvað látið heyra frá sér. Ég lýsi megnustu andúð minni á þessum vinnubrögðum. Það er ekki drengilegt að haga sér svona.