[prenta uppsett í dálka] 81. fundur, 127. lþ.
Frsm. minni hluta samgn. (Jón Bjarnason) (andsvar):
Virðulegi forseti. Ég þakka hæstv. forsrh. fyrir að koma hingað og skýra nokkur atriði sem hafa verið í umræðunni. Ég vil inna hann eftir því, hæstv. forsætisráðherrann, hvort hann sakni þess ekki eins og ég að hvergi skuli standa orðið pósthús í þessum lagabálki, pósthús sem er búið að vera einkenni fyrir þessa þjónustu í áratugi og má kannski jafnvel rekja í öldum. Pósthús hafa verið fastur og mikilvægur þjónustukjarni í mörgum samfélögum. Ég sakna þess að orðið pósthús skuli ekki koma hér rækilega inn með skilgeindu hlutverki, virðulegi forseti, og inni hæstv. forsrh. eftir því hvað honum finnist um það.
