Iðnaðarráðherra (Valgerður Sverrisdóttir) (andsvar):
Hæstv. forseti. Þarna er hv. þm. kominn inn á málaflokk sem varðar samgrh. (Gripið fram í.) Þó svo að örli á því í þessari byggðaáætlun að samgöngumál séu nefnd þá er að sjálfsögðu ekki verið að semja nýja samgönguáætlun með því að leggja fram byggðaáætlun í landinu. Það held ég að sé atriði sem allir geri sér grein fyrir. (Gripið fram í.)
Verklag Vegagerðar í sambandi við mokstursdaga er umdeilanlegt og hefur alltaf verið þannig. Ég veit það sem landsbyggðarþingmaður að upp koma mörg vafamál í sambandi við það hvernig þessar reglur eigi að vera. En ég ætla ekki að fara út í það í sambandi við þessa byggðaáætlun --- og er gott að koma því að strax --- að tala um samgönguáætlun í smáatriðum.