Drífa Hjartardóttir:
Herra forseti. Ef til vill er mörgum þessara nefnda ofaukið en ég legg áherslu á að það sýnir nokkuð virkt lýðræði á Íslandi þegar 4.500 manns taka þátt í að móta samfélag sitt og hvað það er mikilvægt að óháð félagasamtök og hagsmunasamtök fái að koma að málum. Þar er náttúrlega valddreifing og fólk hefur þá sannarlega áhrif á samfélagið og á ríkisvaldið.
Í þessari endurskoðun var ekki tekið á því hvaða nefndir eru launaðar og hverjar ekki. Margar af þessum nefndum eru algjörlega ólaunaðar.