Ögmundur Jónasson (andsvar):
Herra forseti. Ég fagna því að við fáum skjótt niðurstöður þessarar athugunar á fjármögnun á húsnæðiskostnaði Íbúðalánasjóðs. Einnig væri fróðlegt að vita hvernig menn ætla að þetta verði á næstu árum.
Staðreyndin er sú að einkaframkvæmdin kemur einmitt þeim í koll sem reyna hana. Það hefur gerst í Bretlandi og annars staðar. Staðreyndin er að þetta er pólitísk stefna sem er því miður knúin áfram af hagsmunaaðilum sem vilja hagnast á þessari stefnu, sem vilja græða á þessu fyrirkomulagi. Yfirleitt eru það hægri menn sem hafa staðið fyrir þessu formi og þjónar þá hagsmunum þeirra sem hlut eiga að máli, þótt á því séu heiðarlegar undantekningar, eins og dæmin sanna. Ég hef grun um að næsti ræðumaður hér sé einmitt dæmi um slíkt, hv. þm. Gunnar Birgisson.