Guðjón Guðmundsson:
Herra forseti. Við Íslendingar verðum að nýta auðlindir okkar til lands og sjávar innan skynsamlegra marka til að auka hagsæld þjóðarinnar á komandi árum. Kárahnjúkavirkjun mun skapa möguleika á mikilli uppbyggingu atvinnulífsins á Austurlandi, uppbyggingu sem getur skapað allt að 1.000 ný störf í þessum landshluta sem hefur átt undir högg að sækja á undanförnum árum.
Nauðsynlegt er að finna sem fyrst aðila sem eru tilbúnir að fjárfesta í iðnaðaruppbyggingu á Austurlandi þannig að Landsvirkjun geti ráðist í framkvæmdir við virkjunina. Gögn sem lögð hafa verið fyrir iðnn. Alþingis sýna að þarna verður um mjög arðsama framkvæmd að ræða.
Kárahnjúkavirkjun er stærsta byggðaaðgerð sem samþykkt hefur verið á Alþingi um langt árabil og á án efa eftir að færa Austfirðingum mikla hagsæld. Ég segi já.