[prenta uppsett í dálka] 115. fundur, 127. lþ.
Forseti (Halldór Blöndal):
Ég hygg að það sé ekki rétt hjá hv. þingmanni að túlkun á þessu ákvæði hafi verið á einn veg. Ég hygg að ég muni það rétt að fordæmi séu fyrir öðru, og kom mér sá skilningur mjög á óvart að það skyldi þurfa að leita samþykkis tveggja þriðju hluta þingsins þegar ég heyrði um hann fyrst. Ég hef athugað þetta gaumgæfilega og í 36. gr. stendur skýrum stöfum:
,,Eigi má, nema með samþykki þingsins, taka frumvarp til umræðu fyrr en liðnar eru að minnsta kosti tvær nætur frá því er því var útbýtt.``
Ég hygg að það megi lengi leita að þeim manni sem skilur þessi ákvæði svo að þau þýði annað en það sem þar stendur.
