[prenta uppsett í dálka] 126. fundur, 127. lþ.
Svanfríður Jónasdóttir (um atkvæðagreiðslu):
Herra forseti. Með þessu frv. er verið að breyta viðmiðunarárum vegna úthlutunar varanlegra aflahlutdeilda úr norsk-íslenska síldarstofninum. Um slíka úthlutun, gjöf ársins segja sumir, hefur sjútvrh. þegar tekið ákvörðun á grundvelli laganna um fiskveiðar utan lögsögu Íslands. Það er hluti af sjávarútvegsstefnu ríkisstjórnarinnar og meiri hlutans á Alþingi.
Samfylkingin hefur ítrekað flutt bæði sjálfstæð þingmál og birt nefndarálit þar sem stefna flokksins varðandi ráðstöfun norsk-íslenska síldarstofnsins kemur skýrt fram. Ákvarðanir sjútvrh. sem ganga í allt aðra átt og lagabreytingar í tengslum við þær eru og verða á ábyrgð ríkisstjórninnar. Samfylkingin mun því sitja hjá við afgreiðslu þessara tillagna eins og áður þegar ríkisstjórnin hefur verið að klastra við sjávarútvegsstefnu sína á Alþingi.
