[prenta uppsett í dálka] 132. fundur, 127. lþ.
Jón Bjarnason:
Herra forseti. Þrátt fyrir ýmsa annmarka sem eru á frv. til laga um samgönguáætlun, svo sem að tillaga um að tekið skuli fullt tillit í stefnumörkuninni til umhverfismála, byggðamála, öryggismála og fleiri þátta við gerð samgönguáætlunar, hafi verið felld hefur þeirri skoðun verið komið rækilega á framfæri við meðhöndlun þessa frv. að það að vinna samræmt að samgönguáætlun er virkilega og sannarlega spor í rétta átt. Við þingmenn Vinstri hreyfingarinnar -- græns framboðs styðjum frv. þó að við höfum bent á ýmislegt sem betur mætti fara í því.
