Ögmundur Jónasson (um atkvæðagreiðslu):
Herra forseti. Þetta mál er illa undirbúið innan þingsins, en hvílir án efa í þéttu handsali utan þingsins. Þar horfi ég til hæstv. forsrh. Davíðs Oddssonar. Það er óásættanlegt að Alþingi samþykki ríkisábyrgð upp á 20 þús. millj. kr. án þess að upplýsingar liggi fyrir um skilmálana og eftir að lögum um ríkisábyrgð er vikið til hliðar. Þetta mál er ríkisstjórninni og stjórnarmeirihlutanum á Alþingi til mikillar vansæmdar.