Halldór Blöndal (andsvar):
Herra forseti. Ég vék að því í ræðu minni að sóknarmarkskvótinn hafi ekki gengið upp vegna þess að ekki var hægt að stemma stigu við ofveiði. Það er á hinn bóginn mjög gagnlegt að fá þessa upprifjun frá hv. þm. sérstaklega vegna þess að árið 1990 þegar þessar breytingar urðu á kerfinu var Alþýðubandalagið við völd hér og Alþfl., Framsfl. og Borgaraflokkurinn. En Sjálfstfl. var í stjórnarandstöðu á þeim tíma sem hv. þm. 4. þm. Vestf., Guðjón A. Kristjánsson, segir nú að verstu óhöppin hafi gerst. Mesti skaðinn varð þá, sagði hv. þm., þegar Sjálfstfl. var í stjórnarandstöðu. Því er varla að hann geti kennt Sjálfstfl. um það.