Sigríður A. Þórðardóttir (andsvar):
Herra forseti. Ég þakka hæstv. utanrrh. fyrir þessi greiðu og góðu svör. Það er ánægjulegt að heyra að hann metur það svo að Eystrasaltslöndin eigi möguleika á því að komast inn í NATO í fyrstu lotu.
Ég efast ekki um að Ísland hefur lagt sitt lóð á þessa vogarskál með gildum hætti enda er líka alveg ljóst að Eystrasaltslöndin hafa mjög reitt sig á stuðning Norðurlandanna í þessum efnum. Hann hefur og verið til staðar.