[prenta uppsett í dálka] 44. fundur, 127. lþ.
Karl V. Matthíasson:
Herra forseti. Ég þakka fyrirspyrjanda, hv. þm. Árna R. Árnasyni, fyrir fyrirspurnina og ráðherra svörin, það sem fram kemur hjá honum. Það er gleðiefni sem fram kom í máli ráðherra að erlendir aðilar hafa aukinn áhuga á að kaupa íslenskar landbúnaðarafurðir, kindakjöt og afurðir af þeim skepnum. En þess verður náttúrlega að gæta vel og vandlega að sauðfé verði ekki komið í útrýmingarhættu um það leyti sem menn vilja fara að gera stóra sölusamninga þannig að ekki séu til kindur í landinu eða lömb að selja þegar búið er að gera gott markaðsátak.
