Pétur H. Blöndal (andsvar):
Herra forseti. Tækifæri til lækkunar skatta með þessum áhrifum er bara núna af því að við erum að selja þessi fyrirtæki núna. Það sýnir sig að það tap sem ríkissjóður verður fyrir eða hagnaðurinn er fjórfalt tapið, þ.e. fjögurra ára tap, og hv. þm. veit það að ef við færum með tekjuskatt fyrirtækja niður í 11% hefðum við ekki undan að skrá erlend fyrirtæki hér á landi. Við hefðum ekki undan að fylla skrifstofuhúsnæði á Íslandi með háborguðum starfsmönnum við eignarhaldsfélög sem eru með starfsemi um allan heim.