[prenta uppsett í dálka] 64. fundur, 128. lþ.
Lára Margrét Ragnarsdóttir (andsvar):
Hæstv. forseti. Ég spurðist fyrir um það hversu margir einstaklingar frá þeim þremur stofnunum sem um ræðir mundu hafa aðgang að þessum grunni. Það var athugasemd mín í þeim hluta ræðu minnar.
Ég tel líka rétt að benda á að í umræðum um lögmæti gagnagrunna og þá breytingu sem gerð var á söfnun gagna um sjúklinga þá er munurinn á söfnun upplýsinga um sjúklinga hér áður fyrr sá að fyrr á árum voru gagnagrunnar geymdir á viðkomandi sjúkrastofnunum eða hjá viðkomandi læknum en í dag er hægt að nálgast allar upplýsingar um sjúkling frá a til ö í einum gagnagrunni á einum stað.
