[prenta uppsett í dálka] 69. fundur, 128. lþ.
Guðjón A. Kristjánsson (andsvar):
Herra forseti. Hæstv. ráðherra sagði í lok ræðu sinnar að haft hefði verið mikið samráð við hagsmunaaðila. Hverjir eru hagsmunaaðilar í þessu máli, eftir þeim orðum sem hæstv. ráðherra viðhafði? Eru það þeir sem núna eru í orkuframleiðslunni eða eru það fjórðungssamböndin úti um landið sem hafa oft verið með framsetningu um hagsmuni einstakra byggðarlaga eða landshluta? Og þá kemur náttúrlega spurning í framhaldi af því: Hvernig á að tryggja sem jafnast orkuverð um allt landið og hvaða kjör fær fólkið? Þetta er náttúrlega meginspurningin. Mig langar að vita nákvæmlega hvernig þessu samráði var hagað. Hverjir voru þessir hagsmunaaðilar?
