Jón Bjarnason:
Herra forseti. Kárahnjúkavirkjun og fyrirhugað álver á Reyðarfirði valda gríðarlegum náttúruspjöllum. Fjárfesting upp á hundruð milljarða kr. sem þeim fylgja passar engan veginn inn í íslenskt efnahags- og atvinnulíf. Það að binda 70--80% af virkjaðri orku Íslendinga í framleiðslu á einu hráefni, áli, er fráleit stefna í atvinnumálum.
Virðulegi forseti. Framkvæmdin sem hér er verið að greiða atkvæði um passar á engan hátt inn í okkar litla efnahags- og atvinnulíf og inn í íslenska, fallega og dýrmæta náttúru. Ég segi því nei.