Forseti (Ísólfur Gylfi Pálmason):
Borist hefur svohljóðandi bréf:
,,Þar sem ég er á förum til útlanda í opinberum erindum og get ekki sótt þingfundi á næstunni óska ég eftir því, með vísan til 2. mgr. 53. gr. þingskapa, að 3. varamaður á lista Framsóknarflokksins í Austurlandskjördæmi, Vigdís Sveinbjörnsdóttir, kennari á Egilsstöðum, taki sæti á Alþingi á meðan, en Jónas Hallgrímsson, 1. varamaður á listanum, situr um þessar mundir á Alþingi í forföllum Halldórs Ásgrímssonar, og 2. varamaður á listanum, Sigríður Júlía Geirsdóttir, hefur ekki tök á því að koma til þings.
Jón Kristjánsson, 3. þm. Austurl.``
Annað bréf hefur borist, dags. 4. nóvember 2002:
,,Ég get að sinni ekki tekið sæti á Alþingi í fjarveru Jóns Kristjánssonar, 3. þm. Austurl.
Virðingarfyllst,
Sigríður Júlía Geirsdóttir,
2. varamaður Framsfl. á Austurl.``
Að ósk forseta hefur landskjörstjórn komið saman og gefið út kjörbréf handa Vigdísi Sveinbjörnsdóttur sem er 3. varamaður á lista Framsfl. í Austurlandskjördæmi. Jafnframt hélt kjörbréfanefnd fund áður en þingfundur hófst til þess að fjalla um kjörbréfið.