[prenta uppsett í dálka] 37. fundur, 128. lþ.
Frsm. meiri hluta fjárln. (Ólafur Örn Haraldsson) (andsvar):
Virðulegi forseti. Varðandi vexti og vaxtakostnað vil ég minna á að nú er að verða mjög víðtæk breyting á rekstri bankanna. Ég tel að hún muni leiða til aukinnar hagkvæmni í rekstri þeirra og þess mun sjá stað í vaxandi samkeppni og lækkandi vöxtum. Ég tel að Íslendingar eigi að stefna að sambærilegum vaxtamun og í nálægum löndum, þ.e. Evrópulöndum og Bandaríkjunum, sérstaklega svipað og í Evrópu. Ég tel að það sé sú viðmiðun sem við eigum að hafa í huga enda keppum við við Evrópulöndin um fyrirtæki, vinnuafl og fjármagn.
