Félagsmálaráðherra (Páll Pétursson):
Herra forseti. Ég held að í fyrsta lagi sé það ekki staðreynd eða búið að sanna að breytingin skerði tekjur sveitarfélaganna um milljarð þó hún skerði þær eitthvað. Haldinn verður samráðsfundur ríkis og sveitarfélaga á miðvikudagsmorgun. Þetta vandamál verður væntanlega rætt á þeim fundi en það er ekki tekið á því í því samkomulagi sem búið er að gera og náðst hefur milli ríkis og sveitarfélaga um fjármálaleg samskipti á þessu ári.