[prenta uppsett í dálka] 50. fundur, 128. lþ.
Guðjón A. Kristjánsson (andsvar):
Herra forseti. Ég hygg að það sé alveg rétt að ýmislegt sem sneri að félagslegum réttindum fólks, t.d. aldurstengdum réttindum svo sem afsláttur af símagjöldum, hefur horfið með hlutafélagavæðingunni. Í raun og veru eru réttindi fólksins lakari en þau voru meðan þetta var í eigu ríkisins og meðan þetta var samrekið. Það er auðvitað hin kalda stefna einkavæðingarinnar. Réttindi sem menn hafa búið til, félagsleg réttindi, falla yfirleitt dauð með einkavæðingu.
