[prenta uppsett í dálka] 55. fundur, 128. lþ.
Frsm. landbn. (Drífa Hjartardóttir):
Herra forseti. Ég mæli fyrir frv. til laga um breytingu á lögum nr. 54/1990, um innflutning dýra, með síðari breytingum.
Sú breyting sem lögð er til á lögunum snýr að innflutningi á svínum og erfðaefni þeirra. Með breytingunni er verið að stytta einangrunarferli og flýta því að hægt sé að hagnýta hér á landi erfðaframfarir í svínarækt. Eftir sem áður er innflutningur háður meðmælum yfirdýralæknis og flutningur út úr einangrunarstöð er einnig háður leyfi yfirdýralæknis.
