Mörður Árnason:
Forseti. Ég vil fyrir hönd þingheims þakka forseta hina glöggu ræðu sem hann flutti hér áðan. Ég virði ýmis þau viðhorf sem þar komu fram og væri ánægjulegt að ríkisráðið kæmi saman í tilefni af ýmsum hátíðlegum viðburðum í sögu lands og þjóðar. Spurningu minni hefur þó enn ekki verið svarað. Hvenær var fundurinn boðaður? Hvenær var fundurinn ákveðinn? Hvenær var hann boðaður?