Jóhann Ársælsson:
Hæstv. forseti. Ríkið hefur að undaförnu verið óvenjumikið leiðandi í samningum. Menn muna samninga sem gerðir voru hér, svona stofnanasamningar þar sem samið var við einstaka starfsmenn og leiddu svo út í atvinnulífið í framhaldi af því. Nú hefur ríkið gert samning við Starfsgreinasambandið sem mun leiða til þess að útgjöld vegna lífeyris til starfsmanna á almennum vinnumarkaði munu aukast verulega mikið. Ég fagna út af fyrir sig þeim samningi sem var löngu tímabært að gera.
En ég spyr hæstv. fjmrh.: Hefur verið farið yfir það hvaða afleiðingar verða af þessum samningi fyrir atvinnulífið í landinu í heild þegar þessi niðurstaða hefur breiðst út um allt samfélagið?