[prenta uppsett í dálka] 108. fundur, 130. lþ.
Sigurjón Þórðarson (andsvar):
Herra forseti. Nú er það ég sem er í andsvörum, hv. þm. Ég vil spyrja út í ræðuna af því hún var athyglisverð. Honum var tíðrætt um ákveðinn viðskiptajöfur. Það mátti helst skilja á ræðunni að lagafrumvarpinu væri beinlínis beint gegn þessum ákveðna manni vegna þess að hann hefði misnotað sína fréttastöð. Mér finnst þetta staðfesta í raun þann grun sem uppi er í þjóðfélaginu, að lagafrv. sem við erum nú að ræða snúist einungis um persónulegan ágreining. Hæstv. forsrh. hefur horn í síðu þessa ákveðna manns og virðist vera að beina Alþingi til að koma höggi á hann.
